КУДС (АА) – Израелската влада денес прогласи воена состојба среде израелско-палестинскиот судир, известува Анадолу.
Израелскиот совет за безбедност одобри објавување на војна состојба во согласност со членот 40 на Основниот закон, соопшти Владата на Израел, пренесе весникот „Jerusalem Post“.
Над 2.000 Израелци се повредени, информираше „Hebrew Channel 12“.
Најмалку 600 Израелци загинаа во воената ескалација со палестинските групи во Газа, објавија денес локалните медиуми.
Бригадата Изедин Касам, военото крило на Хамас, во саботата наутро објави дека ја започнала операцијата „Aqsa Flood“ против Израел и извршила ракетни напади врз Израел од блокираниот Појас Газа, а нивните вооружени групи влегле во населбите во регионот.
Израелската војска потоа објави дека извршила напад врз Појасот Газа со десетици борбени авиони.
Министерството за здравство на Палестина објави дека во израелските авионски напади загинале 313 Палестинци, а речиси 2.000 се повредени.
Според информациите што ги објави израелската војска, Хамас од саботата наутро досега кон Израел упатил над 3.000 ракети.
