Изгоре новогодишната елка во ТЦ Бисер во скопски Аеродром

Гори новогодишната елка поставена пред трговскиот центар Бисер во Аеродром, покажуваат снимките кои граѓаните ги споделуваат на социјалните мрежи.

Од снимките не може да се заклучи што го предизвикало пожарот, но се гледа дека огнени јазици ја голтаат новогодишната елка поставена пред трговскиот центар.

Се уште нема информации дали пожарот е подметнат, а надлежните служби се очекува да излезат со детали подоцна.

Овој пожар го отвора и прашањето за безбедноста на новогодишните реквизити кои општините, но и приватните компании ги поставуваат на јавни простори и дали државните служби вршат безбедносна проверка на истите.