Во политиката не си ја одредуваш самиот вредноста и успехот, базирано на сопствените очекувања или потреби. Вредноста ти ја одредува електоратот и противникот, како и се разбира објективните, фактичките и онтолошките реалитети, пишува Ивор Мицковски.
-Тоа што СДСМ мислат дека добро поминале или дека напредуваат, зборува дека политички се неспособни за реализам, објективност и вистинско толкување на состојбите во земјата. Таквите луѓе се опасни, зошто маката и состојбата во земјата им е помалку важна од личниот политички ангажман. Таквите опции се штетни, затоа што власта на која и помогнаа да освои се, ќе владее без вистински коректив и без политички притисок, пишува тој.
Во друга објава, тој коментира дека во Македонија нема опозиција.
-Сите избори исто потврдуваат, дека луѓето се отклонети од политиката, клиентите на партиите се намалуваат или транзитираат, ама сепак се доволни со постоечките правила, закони и менталитет, партиите комотно да си владеат. За најголемата “партија” неопределени – партија нема. Сега немаме ни опозиција, со киднапираната Сдсм и некооперативната, но и неспособна за доминација Левица. Вмро е пак почастено, со помали бројки, се поголема власт. Се вртиме у круг и како да се вративме во 2006-та, само што 20 години ни отидоа во ветер, пишува тој.
Извор: kurir.mk
