Македонскиот тенисер Калин Ивановски успеа да се пласира за „главниот турнир“ на Челинџер турнирот 125 што се игра во Сан Марино. Тој денеска ја постигна и втората победа во финалето од квалификациите совладувајќи го домашниот тенисер Франциско Форти со 2:1 во сетови (6:7(4); 6:4; 6:4) за 2 часа и 50 минути игра.
Во првото коло на турнирот Ивановски ќе игра против третиот носител Матео Гиганте (137.место АТП листа).
Во првиот сет од мечот немаше ниту еден брејк, па за водство од 1-0 во сетови решаваше тај брејкот. Форти поведе со 6:1 на поени. Ивановски спаси три сет топки, но противникот го доби тај брејкот со 7:4 и поведе со 1-0. На стартот од вториот сет македонскиот тенисер направи брејк за 1:0, но Форти веднаш врати со ри-брејк за 1:1 во гемови. Сепак подобрата игра на Ивановски во сетот му донесе уште еден брејк за 5:4, а потоа и 6:4 во гемови и 1-1 во сетови.
Во решавачкиот сет Ивановски направи брејк во седмиот гем за водство од 4:3 и во десеттиот гем македонскиот тенсиер успеа да го добие гемот за 6:4 и 2-1 во сетови.
Наградниот фонд на турнирот е 181.250 евра.
Извор: kurir.mk
