ИСТАНБУЛ (АА) – Израел изврши нов воздушен напад врз нуклеарната постројка Фордо, јужно од иранската престолнина Техеран, соопштија иранските медиуми денес, јавува Анадолу.
„Пред неколку моменти агресорот повторно ја нападна нуклеарната постројка Фордо“, изјави портпаролот на Штабот за управување со кризи во провинцијата Квом.
Полуофицијалната новинска агенција Тасним го потврди нападот, но не даде детали за евентуалната штета.
Овој напад се случи само еден ден откако американските сили извршија воздушни удари врз три нуклеарни објекти во Фордо, Натанз и Исфахан.
Од 13 јуни, кога Израел започна ненадејна офанзива врз повеќе цели низ Иран, вклучително воени и нуклеарни објекти, двете земји се вклучени во воздушни судири. Како одговор на тоа Иран изврши одмазднички напади врз израелска територија.
Израелските власти соопштија дека досега најмалку 25 лица загинале, а стотици се повредени во иранските ракетни напади.
Според иранското Министерство за здравство, во офанзивата на Израел врз Иран досега се убиени најмалку 430 лица, а над 3.500 се повредени.
Извор: Anadolu Agency (AA)
