ИСТАНБУЛ (АА) – Стотици лица се хоспитализирани откако беа погодени од песочна бура во иранската југоисточна покраина Систан-Белуџистан, пренесува Анадолу.
Според веста на новинската агенција „Тесним“, шефот на Дирекцијата за итна состојба во Систан-Белуџистан, Мецис Мухиби, даде информации во врска со оваа ситуација.
„Поради 120-дневните ветрови, во градовите Забул, Зехек, Хамун, Хирмен и Нимруз кои се наоѓаат во северниот дел на Систан-Белуџистан се хоспитализирани 488 лица, од кои 64 се задржани во болница“, рече Мухиби.
Тој нагласи дека очекуваат песочната бура да биде ефективна уште една недела во регионот.
Мухиби повика народот да не излегува надвор доколку нема потреба, и препорача да се носат маски.
Според соопштеното, опсегот на видливоста е намален на 300 метри во Зехек и на 700 метри во Забул.
