Медиумите поврзани со властите во Иран јавија дека Техеран лансирал трет бран дронови кон Израел.
Корпусот на Исламската револуционерна гарда претходно издаде соопштение во кое потврдува дека почнал напад врз Израел, велејќи дека тоа е одговор на нападот на ИДФ врз конзуларниот комплекс во Дамаск во кој беа убиени неколку членови на ИРГЦ, вклучително и двајца генерали.
„Како одговор на бројните злосторства на ционистичкиот режим, вклучително и нападот врз иранскиот конзулат во Дамаск, воздухопловните сили на ИРГЦ гаѓаа одредени позиции во окупираните територии со истрелување десетици проектили и беспилотни летала“, се вели во соопштението.
Исто така ИДФ го потврди нападот на Иран врз Израел, соопшти израелската агенција за следење дронови на кои ќе им требаат неколку часа да стигнат до Израел
Портпаролот на ИДФ Даниел Хагари во моментов има прес-конференција.
Тој потврди дека десетици дронови лансирани од Иран се движат кон Израел.
Тој вели дека израелските воздухопловни сили ги следат беспилотните летала и истакна дека ќе им требаат неколку часа за да стигнат до земјата.
Хагари вели дека ќе има прекини на ЏПС додека војската работи на пресретнување на беспилотните летала.
Сирени за тревога ќе се огласат доколку дроновите влезат во воздушниот простор на Израел, додаде Хагари.
Извор: alsat.mk
