Иран го предупреди Израел дека ќе интервенира доколку не престанат нападите врз Газа

October 15, 2023
1 min read

АНКАРА (АА) – Иран предупреди дека доколку продолжат израелските напади врз Газа, Техеран „ќе мора да интервенира“, објавија американските медиуми, пренесува Анадолу.

Според американскиот информативен сајт Аксиос, цитирајќи два неименувани дипломатски извори, иранскиот министер за надворешни работи Хусеин Амир-Абдолахијан ја пренел пораката на неговата земја за време на состанокот во Бејрут со Тор Венесланд, специјалниот координатор на Обединетите нации (ОН) за мировниот процес на Блискиот Исток.

Венесланд побарал од Амир-Абдолахјиан да помогне да се спречи ширењето на конфликтот од Газа и Израел во регионот.

Според изворите, Амир-Абдолахијан исто така рекол дека Иран не сака конфликтот да се претвори во регионална војна и дека може да помогне за ослободување на Израелците кои Хамас ги држи како заложници во Газа.

Амир-Абдолахијан, исто така, истакнал дека неговата земја има „црвени линии“ и му рекол на претставникот на ОН дека ако продолжат нападите на Израел, особено ако се започне копнен напад врз Газа, Иран „ќе мора да одговори“.

Венесланд, наводно, ги контактирал израелските власти, и израелскиот советник за национална безбедност Цачи Ханегби, и ја пренел пораката на Иран до Тел Авив.

Во писмено соопштение, иранското Министерство за надворешни работи соопшти дека Амир-Абдолахијан и Венесланд се сретнале во иранската амбасада во Бејрут.

Амир-Абдолахијан, кој се состана со генералниот секретар на либански Хезболах, Хасан Насрула, како и со високи претставници на палестинските групи на отпорот, Хамас и Исламски џихад, како дел од неговите контакти во Бејрут, го повика Израел веднаш да ги прекине нападите врз Газа и рече дека „фронтот на отпорот е во готовност“.

Пораката доаѓа повеќе од една недела од почетокот на конфликтот, и во пресрет на сé неизбежната израелска копнена офанзива во Газа.

Воздушните напади врз Појасот Газа продолжуваат, а Обединетите нации (ОН) и другите меѓународни актери велат дека со израелскиот прекин на снабдувањето со храна, вода и електрична енергија за Газа и наредбата за евакуација од север кон југ се ризикува хуманитарна катастрофа за 2,2 милиони жители на Појасот.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). .

MARKETING

MARKETING

Претходно

Османи во својство на Претседавач со ОБСЕ повторно во Украина: На агендата средби со државниот врв и теренски посети

Следно

Познатиот ирански филмски режисер Дариуш Мехрјуи и неговата сопруга се избодени до смрт во нивниот дом

Latest from Blog

Бугарската Влада го „преживеа“ третото гласање недоверба, нови тензии пред влезот во еврозоната

Третото гласање за недоверба кон Владата на Бугарија предводена од Росен Желјазков пропадна. Владата на ГЕРБ, БСП и ИТН, со поддршка од коалицијата “ДПС-Нов почеток” на Делјан Пеевски, не успеа да добие

Нов топлотен бран го пржи Балканот

Македонија ја погодува нов топлотен бран со температури кои надминуваат 40 степени. Жештините го зафаќаат цел регион, а метеоролозите предупредуваат дека високите температури ќе се задржат до средината на следната недела.  Според

Пропалестински активисти протестираа пред Високиот суд во Лондон против забраната на групата „Палестинска акција“

СКОПЈЕ (АА) – Пропалестински активисти денес одржаа протест во знак на солидарност пред Кралскиот суд во Лондон, јавува Анадолу. Коосновачката на групата „Палестинска акција“, Худа Амори, започна правна постапка против британската Влада

Јаневска: Образованието и науката не смеат да бидат фактор за иселување на младите, туку сфери за личен развој и вработување

Во 7 изминати години имаме 17 илјади ученици и 7 илјади студенти помалку. Училниците и амфитеатрите се празнат. Ако тоа не се спречи, државата не може да гледа перспективна иднина. За овие

Скопје доби ново летно кино на покривот на Сити мол

Скопје Сити Мол во партнерство со Синеплекс го отворија првото летно кино под отворено небо на покривот од трговскиот центар. Скопје е побогато за уште едно градско летно доживување, каде свечено беше отворено првото „Rooftop Open Air
Go toTop