ИО на СДСМ одлучи да продолжат разговорите со Алијанса: Ќе има кадровско освежување и диференцијација од ВМРО-ДПМНЕ и Левица

January 31, 2023
1 min read

Според СДСМ, соработката со Алијанса за Албанците ќе помогне да има поголема ефикасност во Собранието за носење закони, а ќе значи и проширување на сојузот за ЕУ и јасна диференцијација од партиите кои се против членството во Унијата. Во владините редови, пак, сметаат дека ќе има кадровско зајакнување и освежување

Извршниот одбор (ИО) на владејачкиот СДСМ вечерва едногласно одлучи да продолжат разговорите со Алијанса за Албанците за влез на оваа партија во владината коалиција.

Понатамошните разговори со партијата ќе ги води работна група во која покрај премиерот и лидер на СДСМ, Димитар Ковачевски, ќе учествуваат и генералниот секретар на партијата Миле Зечевиќ, членот на Централниот одбор и министер за земјоделство Љупчо Николовски, и координаторот на пратеничката група на социјалдемократите Јован Митрески.

„Заедничка оценка е дека Алијанса го поддржува концептот за европска Македонија, а со тоа и директно да придонесат кон остарувањето на стратешките национални и државни интереси за спроведување на реформите и сите потребни чекори за членството во ЕУ преку директно учество“,

изјави портпаролката на СДСМ Богданка Кузеска по завршувањето на седницата на ИО.

Извршниот одбор на СДСМ смета дека соработката со Алијанса за Албанците ќе даде додадена вредност за граѓаните од повеќе причини. Меѓу нив, според изјавата на Кузеска е тоа што ваквата соработка ќе помогне во борбата против корупцијата, во забрзување на економскиот развој и напредок на државата, во зголемување на ефикасноста во Собранието со цел побрзо носење одлуки за подобрување на животниот стандард со граѓаните, во справувањето со енергетската и економската криза, како и во носењето на реформските закони од ЕУ агендата, поголема поддршка на стратешкото партнерство со САД и унапредување на добрососедските односи.

Меѓутоа, сметаат од партијата, со тоа ќе се зголеми и мнозинството, а и ќе се направи јасна диференцијација од ВМРО-ДПМНЕ и Левица или, како што велат, двете партии кои се против ЕУ.

„Ова исто така ќе значи зголемување на парламентарното мнозинство. Тоа е чекор напред за проширување на сојузот за поддршка на членството во ЕУ со сите реформи, чекори и потребни одлуки, јасна диференцијација од двете политички партии кои се против ЕУ – ВМРО-ДПМНЕ и Левица, кадровско зајакнување и освежување, стабилност која е неопходна во клучен период во однос на глобалните случувања, можност за соработка на локално ниво во општините и советите со цел унапредување на квалитетот на граѓаните. На сите наши граѓани, на Македонците им треба визија за 2030 година, членство во ЕУ, подобар живот и добросостојба, еднакви со сите граѓани на земјите членки на ЕУ“,

рече Кузеска.

Вечерашната седница на ИО на СДСМ доаѓа по денешната средба на партискиот лидер и премиер Димитар Ковачевски со претседателот на Алијанса за Албанците, Арбен Таравари.

Двајцата денеска рекоа дека во најголем процент има согласување околу програмските определби, но оти за кадровски прашања сè уште не разговарале.

Шансите за влез на Алијанса во Владата, рече Таравари, се огромни. Договорот не е дефинитивен, но веројатноста тоа да се случи, според него, е реална.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Мароко од утре домаќин на Светското клупско првенство во фудбал

Следно

Самитот на Украина и ЕУ ќе се одржи в петок во Киев, потврди украинскиот премиер

Latest from Blog

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со
Go toTop