Институционална поддршка за артистите во Чаир потврди Меџити

40

Првиот заменик-претседател на Владата и министер за животна средина, како и кандидат за градоначалник на Општина Чаир од ВЛЕН, Изет Меџити, оствари средба со уметниците од општината

На разговорот, како што истакна Меџити, било отворено дискутирано за предизвиците со кои се соочуваат артистите, како и за нивните потреби и барања.

,,Забележав јасна порака: уметноста не смее да остане на маргините, туку треба да го добие заслуженото место во општеството. Тоа значи подобри услови за работа, поголем простор за создавање и институционална поддршка“, рече Меџити.

Тој додаде дека општество кое вложува во уметноста и уметниците гради поотворена и посензитивна заедница. „Артистите се душата на Чаир. Нивната креативност е наш идентитет и обврска ми е нивниот глас да се претвори во конкретни дела“, потенцираше кандидатот на ВЛЕН.

Меџити нагласи дека поддршката за уметничката заедница ќе остане еден од неговите приоритети, со цел Чаир да стане пример за општина која ја цени и развива културата.