Кристијано Роналдо останува актуелен за претстојниот клупски мундијал и покрај фактот што неговиот тим Ал Наср не избори место меѓу тимовите кои ќе се натпреваруваат на турнирот во САД.
Претседателот на ФИФА, Џани Инфантино во последната изјава открил дека постојат „одредени преговори“ за Португалецот да биде дел од мундијалот.
Гостувајќи во емисија на познат јутјуб стример, Инфантино открил дека Роналдо може да настапува за друг клуб.
– Роналдо може да игра на Светското клупско првенство.
– Има разговори со одредени клубови, па ако некој клуб е сериозен да го ангажира Роналдо за овој турнир, којзнае… – рекол првиот човек на ФИФА.
Во игра за потписот на Португалецот може да бидат повеќе клубови кои не се европски претставници, а најмногу се шпекулира со бразилски Ботафого.
Извор: kurir.mk
