ИЛО: Приближно 828.000 луѓе во Турција и во Сирија изгубија работа по земјотресите

March 28, 2023
1 min read

Околу 828.000 работници останаа без работа по серијата земјотреси што во февруари ги погодија југоисточна Турција и северна Сирија, објави денеска Меѓународната организација на трудот (ИЛО).

Првите податоци покажуваат дека земјотресите во Турција доведоа до намалување на работната активност и оти околу 658.000 луѓе се без работа или приход, според процената на ИЛО.

Во Сирија, каде веќе 12 години трае граѓанска војна, што нанесе големи штети на економијата и на пазарот на трудот, околу 170.000 работници останаа без работа поради земјотресите.

Без итна и насочена помош, сиромаштијата, неформалното вработување и детскиот труд веројатно ќе се зголемат, предупреди ИЛО, додавајќи дека отворањето работни места е од суштинско значење за „ефективен и инклузивен одговор“ на катастрофата.

Меѓународните донатори на конференцијата во Брисел минатата недела ветија дека ќе обезбедат седум милијарди евра помош за населението на Турција и на Сирија погодени од земјотресот на 6 февруари, при што загинаа повеќе од 56.000 луѓе и предизвика штета, што се проценува на повеќе од 100 милијарди евра.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Стручниот и обдукцискиот извештај треба да ги покажат причините за смртта на шестгодишното девојче во Битола

Следно

Маричиќ: Важно да се држиме на обврските од нашиот европски пат

Latest from Blog

Фото: Многу целулит, дебела, премногу стара… Нивес Целзиус

43  годишната Нивес го „запали“ интернетот со фотка во минијатурно бикини. Популарната водителка сега објави гола фотографија и гордо ги истакна сите свои „несовршености“ Со оваа објава Нивес им одржа лекција на сите жени кои

Бајден ја заврши радиотерапијата за агресивен рак на простата

Портпаролката на Бајден, Кели Скали, потврди за Си-Би-Ес Њуз дека поранешниот претседател, кој следниот месец ќе наполни 83 години, вчера завршил неколкунеделна радиотерапија во Центарот за радиологија и онкологија Пен во Филаделфија
Go toTop