Хрватското обвинителство се откажа од гонењето на Лука Модриќ

July 3, 2024
1 min read

Државното правобранителство на Хрватска се откажа од кривично гонење на хрватскиот фудбалски репрезентативец Лука Модриќ за давање лажно сведочење на судењето на Здравко Мамиќ за извлекување пари од Динамо, меѓу другото, за трансфери на познати фудбалери.

Поради лажното сведочење на судењето на поранешниот предводник на Динамо, обвинителството освен Модриќ поднесе обвиненија и против Дејан Ловрен. Сепак, судењето не се одржа бидејќи судовите ги отфрлија обвиненијата.

Додека случајот против Ловрен неодамна, по втор пат, заврши со правосилна судска одлука на Жупанискиот суд во Загреб, случајот на Модриќ, поради поинаква одлука на Општинскиот кривичен суд во Загреб, е вратен во обвинителството во Осијек со цел понатамошно испрашување на Модриќ и поднесување ново обвинение, за што судот им дал рок од три месеци кој истекува на почетокот на август.

Но, наместо тоа, обвинителството во Осијек заклучи дека новото, сега трето обвинение против Модриќ нема смисла затоа што повторно ќе биде отфрлено, како и на Ловрен. Воедно, тие го известија загрепскиот Општински кривичен суд дека нема да вршат дополнително испитување на Модриќ, туку ќе ја отфрлат кривичната пријава против него и со тоа ќе го прекинат кривичното гонење.

Со правосилна пресуда на Врховниот суд од 2021 година, поранешниот прв човек на НК Динамо Здравко Мамиќ е осуден на шест и пол години затвор за извлекување 116 милиони куни од Динамо, неговиот брат Зоран на четири години и осум месеци, поранешниот директор на Динамо, Дамир Врбановиќ на три години затвор, а даночникот Милан Пернар на три години и два месеци.

Извор: kurir.mk

MARKETING

MARKETING

Претходно

Муцунски на средба со австрискиот амбасадор, унапредување на економската соработка

Следно

ФОТО: Ѕирнете во 12 милионската вила на Кетрин Зета-Џонс и Мајкл Даглас, и таа е на продажба

Latest from Blog

Кривична пријава за проневера во службата и фалсификување или уништување деловни книги

Секторот за внатрешни работи Куманово до Основното јавно обвинителство Куманово поднесе кривична пријава против М.А. (37) од Куманово поради постоење основи на сомнение дека сторила кривични дела „проневера во службата“ по чл.354,

Обвинителниот акт за пожарот во дискотеката „Пулс“ доставен до Основен кривичен суд Скопје

Предметот за пожарот во дискотеката „Пулс“, оформен од Основното јавно обвинителство – Кочани, денеска е префрлен од Основниот суд Кочани во Основниот кривичен суд Скопје, согласно решението на Врховниот суд на РСМ,

Во бомбашки напад врз владино возило во Северозападен Пакистан загинаа четири лица

ИСЛАМАБАД (АА) – Најмалку четири лица загинаа, а 11 се повредени откако врз владино возило е извршен бомбашки напад покрај патот во северозападната покраина Хајбер Пахтунхва, изјави официјален претставник, јавува Анадолу. Службеното
Go toTop