Во фантастична атмосфера вечерва во Арената во Загреб, во првото полуфинале на СП, блескавата Хрватска ја победи Франција со 31:28 и со тоа се пласира во големото финале кое се игра во Осло во недела.
Избраниците на Сигурдсон одиграа фантастично прво полувреме, се чини дека тука го доби ова полуфинале.
И победи заслужено, ако се знае дека Франција не беше на своето ниво.
Инаку ова полуфинале започна со далеку поагресивна игра на Хрватите, кои бодрени од преполната Арена во Загреб, во супер атмосфера. Домашнире ракометари играа како во транс. Во првите минути беше 1:1, но во 5.минута беше 3:1 за Хрватска која номинално, според ИХФ, на ова полифинале беше гостин.
Франција никако не успеваше да се наметне, бадијала бројните замени на тактичките варијанти на селекторот Жил, кој немаше решение. Хрватите го зголемуваа водството па во 13.минута беше 9:5, а во 19.минута беше 14:7. Беше и 17:8 а на пауза се замина со 18:11.
Вистинска ракометна рапсодија на Хрватите во овие први 30 минути во ова полуфинале.
Во второто полувреме, а не можеше поинаку ако се знае дека сепак Франција е екстра селекција со екстра квалитет, а и Хрватите да играат 60 минути како во транс и без грешка, Франција покажа карактер. Тука треба да се каже дека Мине доби директен црвен картон поради груб старт.
Во 35.минута резултатот беше 19:15 за Хрватска, очигледно е дека Франција се врати во игра, поточно почна нешто да игра. Хрватска во првите 6 минути од вториот дел постигна само еден гол, Франција дури четири.
Сепак во продолжение од средбата Хрватска ги запре тие напади на Французите, и во 42.минута имаше +6 голови предност.
Во овој период блескаше Срна, и тоа многу помогна Хрватска да ги има тие плус 5-6 голови разлика.
Сепак Ремили со својот прв гол на мечот во таа 47.минута намали на 25:21. Се насетуваше драма. Франција намали на -3 во 52.минута.
На три минути до крајот беше 29:26 за Хрватска. Во тие моменти сој придонес даде и Карачиќ, екс-вардарецот.
И на крајот резултатот гласеше 31:28. Со ова Хрватска има најмалку сребрен медал.
Утре вечер од 20:30 часот се игра второто полуфинале во кое се среќаваат во Осло селекциите на Данска и Португалија.
Извор: kurir.mk
