Во Хрватска, бројот на свињи заразени со африканска свинска треска (ASF) се зголемува, а денес се регистрирани нови случаи на фармите во општина Дарда, Осиечко-барањска жупанија, соопшти Министерството за земјоделство.
Во објектот каде што е откриен новиот случај имало 20 свињи, се наведува во соопштението и се истакнува дека наведената населба веќе е во зоната на надзор, а по новите случаи, ќе се пресели во заштитната зона.
„На заразените и сите епидемиолошки поврзани објекти, како и во заштитните и надзорните зони, надлежните ветеринарни служби спроведуваат мерки во согласност со делегираните регулативи (ЕУ) 2020/687, кои се неопходни за сузбивање и понатамошно спречување на ширењето на оваа исклучително опасна заразна болест кај свињите“, се вели во соопштението.
Извор: tv21
