Во пукање за време на прославата на Ханука, еврејскиот празник на светлата, на плажата Бонди во Сиднеј загинаа 12 лица, како и еден од двајцата напаѓачи, соопшти локалната полиција.
Се верува дека нападот бил насочен кон прославата на Ханука , за која полициски извори веруваат дека била планирана со месеци, објави австралискиот портал „Њузвајр“.
Едниот напаѓач беше застрелан , а другиот беше ранет и е во притвор.
На местото на настанот се испратени повеќе од 30 екипи за итни случаи, вклучувајќи и специјални хеликоптерски единици.
Голем број морничави видеа циркулираат на социјалните мрежи, а едно прикажува случаен минувач како го запира еден од терористите.
Човекот кој му се приближил на напаѓачот во еврејската заедница Бонди Бич одзади и го разоружал е идентификуван како 43-годишен маж од Сиднеј по име Ахмед ал-Ахмед.
Австралискиот портал „News.com.au“ наведува дека Ахмед ал-Ахмед е всушност сопственик на продавница за овошје во Сиднеј, а според изјавите на неговите роднини, Ал-Ахмед нема искуство со оружје, туку едноставно минувал и решил херојски да интервенира.
BREAKING – Shocking footage.
Aussie hero has potentially saved multiple lives. #bondi #shooting pic.twitter.com/b3EPqJ77n6— ConservativeAussie (@ConservativeeAu) December 14, 2025
Извор: tv21
