Министерот за одбрана на Соединетите Американски Држави, Пит Хегсет, денеска ги повика сојузниците во НАТО да ги зголемат трошоците за американско оружје за Украина, по извештајот што покажа остар пад на воената поддршка за Киев во јули и август.
„Мир постигнуваш кога си силен. Не кога користиш силни зборови или покажуваш со прст, туку кога имаш силни и реални способности што твоите противници ги почитуваат“, изјави Хегсет пред новинарите пред состанокот со колегите од НАТО во седиштето на алијансата во Брисел, објави Ројтерс.
Тој ги замоли сојузниците да ги зголемат инвестициите во програмата „Приоретна листа на барања за Украина“ која ги замени донациите за оружје од САД за Украина, а сега низ оваа програма се плаќа за американско оружје наменето за Киев.
„Нашите очекувања денес се повеќе земји да донираат повеќе, да купат уште повеќе за да ја снабдуваат Украина со цел овој конфликт да дојде до мирна завршница“, нагласи тој.
Извор: tv21
