Хеди Рамковски, кој избега од државата веднаш откако се отвори истрагата за случајот „Пајажина“, бил екстрадиран пред половина година и бил во затворот „Скопје“ во Шутка.
Директорот на затворот „Скопје“ за „Слободен печат“ потврдил дека Рамковски е во затвор и дека се уште е во тек повторениот судски процес за него.
Тој бил екстрадиран уште во јули, но ваквата информација не беше јавно споделена.
Судскиот процес во кој беа обвинети 23 управители и основачи на фирми на „Перо Наков“ во Скопје за затајување на данок, перење на пари и злосторничко здружување финишираше во 2012 година.
Таткото на Хеди, Велија Рамковски тогаш беше осуден на 13 години затвор, но поради здравствени проблеми на крајот на 2017 година беше пуштен на лекување.
Хеди Рамковски беше осуден на седум години затвор во отсуство, но сега има право на повторување на судскиот процес. Тој бил спроведен во притворскиот затвор Шутка од затвор во Грција, каде што се криел од македонските правосудни органи, но бил приведен за друго дело.
ИЗВОР: racin.mk
