ВАШИНГТОН (АА) – Потпретседателката на Соединетите Американски Држави и кандидатката на демократите за претседател на претстојните избори, Камала Харис, денес го критикуваше својот противкандидат, поранешниот претседател Доналд Трамп, околу неговиот коментар дека ќе биде заштитник на жените „и да им се допаѓа тоа или не“, пренесува Анадолу.
Кандидатот на Републиканците го даде овој коментар на митингот во Висконсин во средата, а Харис за неговите забелешки рече дека се навредливи.
„Мислам дека тоа всушност е многу навредливо за жените во смисла на неразбирање на нивниот авторитет, нивните права и нивната способност да донесуваат одлуки за сопствените животи, вклучително и за сопствените тела“, рече кандидатката на Демократската партија.
Таа додаде дека тоа е „последно во низата откритија за тоа како поранешниот претседател размислува за жените“.
Американските гласачи на 5 ноември ќе одлучат кој ќе го контролира американскиот Конгрес, со одлука дали во Белата куќа ќе биде поранешниот претседател Доналд Трамп или потпретседателката Камала Харис. Која политичка партија на крајот ќе го контролира Домот или Сенатот, ќе биде од клучно значење за новиот претседател за да ја спроведе својата законодавна агенда.
Извор: Anadolu Agency (AA)
