Џејми Карагер го пофали Ерлинг Халанд, кој вчера му ја донесе тешката победа на Манчестер Сити од 1-0 над Брентфорд на гостински терен. Норвежанецот постигна гол во својот 9-ти натпревар по ред и дојде до 18 гола на 11 натпревари оваа сезона за клубот и за репрезентацијата.
„Мислам дека го гледаме најдобриот стрелец што некогаш играл во Англија. Не се сеќавам на Џими Гривс и Дикси Дин, но можам со сигурност да го кажам тоа по деновите на Гари Линекер, Алан Ширер, Хари Кејн и Jaн Раш“, рече Карагер.
„За мене, постои разлика меѓу одличен централен напаѓач и стрелец на голови. Мислам дека гледаме нешто што никогаш порано не сме го виделе во нашата игра и не треба да заборавиме дека овој клуб го имаше и одличниот Серхио Агуеро. Но, Халанд е сосема поинаков и најдобар“, додаде Карагер.
Извор: vecer.mk
