БОГОТА / ИСТАНБУЛ (АА) – Најмалку 50 лица се убиени, вклучувајќи и деца, кога вооружена банда го нападна градот Превал во централен Хаити, објавија медиумите во петокот, пренесува Анадолу.
Напаѓачите запалиле домови, нападнале црква и убиле цивили во напад што сведоците го опишаа како масакр. Меѓу жртвите бил и 86-годишниот свештеник Жок Брутус, кој наводно бил обезглавен од напаѓачи во црквата Мараната.
„Пронајдени се најмалку 50 тела. Стигнувањето до местото на масакрот е речиси невозможно бидејќи бандата сè уште ја држи контролата. Четиринаесет од телата се пронајдени обезглавени и изгорени“, изјави сведок за шпанската новинска агенција ЕФЕ.
Според првичните информации, се верува дека станува збор за банда која дејствува под името „Коалиција за самоодбрана“.
Бискупска конференција на Хаити изрази „длабока жалење“ за бруталните убиства и ги повика властите да преземат итни мерки.
Хаити е зафатен од се подлабока криза, при што главниот град Порт-о-Пренс сега е претежно под контрола на бандите, а несигурноста за храна им се заканува на повеќе од 11 милиони луѓе.
Според бројките на ОН, во 2024 година се убиени повеќе од 5.600 луѓе во насилства меѓу бандите во Хаити.
Извор: Anadolu Agency (AA)
