ЕРУСАЛИМ/ИСТАНБУЛ (АА) – Речиси 100.000 Палестинци се убиени во геноцидната војна на Израел врз Газа, што претставува околу 4 % од населението на територијата, објави денес израелскиот весник „Хаарец“, пренесува Анадолу.
Бројот на убиени не коиндицира со бројот на жртви што го даде Министерството за здравство на Газа, кој изнесува над 56.300 сметајќи од октомври 2023 година.
„Хаарец“ објави дека покрај големиот број палестински жртви од израелските напади, многу луѓе починале и од индиректните ефекти од војната, како што се глад, студ и болести, поради колапсот на здравствениот систем во Газа.
Дневниот весник наведува дека додека израелските портпароли, новинари и инфлуенсери со доза на одвратност го отфрлаат бројот на жртви објавен од Министерството за здравство на Газа како преувеличен, сè повеќе меѓународни експерти „наведуваат дека овој список, со целиот ужас што го отелотворува, не само што е веродостоен – туку дека може да биде дури и многу позатворен во однос на реалноста“.
Весникот наведува студија спроведена од професорот Мајкл Спагат, економист од колеџот „Холовеј“ при Универзитетот во Лондон, светски експерт за смртност при конфликти, за смртноста во Газа.
Студијата опфатила 2.000 домаќинства во палестинската енклава, кои опфаќаат речиси 10.000 луѓе.
„Заклучено е дека заклучно со јануари 2025 година, околу 75.200 луѓе починале од насилна смрт во Газа за време на војната, огромното мнозинство предизвикана од израелската муниција“, се вели во студијата.
Според податоците, 56 % од убиените биле или деца до 18 години или жени.
„Тоа е голема бројка во споредба со речиси секој друг конфликт од Втората светска војна“, пишува „Хаарец“.
Спагат истакна дека податоците од анкетата ја позиционираат војната во Газа „како еден од најкрвавите конфликти во 21 век“.
„Дури и ако вкупниот број жртви од војната во Сирија, Украина и Судан е поголем во секој случај, Газа очигледно е на прво место во однос на соодносот на убиени борци и цивили, како и во врска со стапката на смртност во однос на големината на населението.“
Податоците, исто така, покажуваат дека процентот на жени и деца убиени со насилна смрт во Газа е повеќе од двојно поголем од процентот во речиси секој од поновите конфликти, како оние во Косово (20 %), северна Етиопија (9 %), Сирија (20 %) и Судан (23 %).
„Мислам дека веројатно сме на околу 4 проценти убиено население“, рече Спагат. „Не сум сигурен дека има друг случај во 21 век што достигнал толку високо ниво.“
Израелската Армија спроведува брутална офанзива во Газа од октомври 2023 година, и покрај меѓународните повици за прекин на огнот.
Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Извор: Anadolu Agency (AA)
