Натпартискиот кандидат за градоначалник, поддржан од ВМРО-ДПМНЕ, Владко Грозданов, во рамки на својата предизборна програма најави серија мерки за подобрување на безбедноста и противпожарната заштита во општината.
– Во наредниот четиригодишен мандат, ќе се посветиме на зајакнување на капацитетите за заштита и превенција од пожари. Тоа значи грижа за граѓаните, шумите, инфраструктурата и безбедноста на целиот град, изјави Грозданов.
Меѓу клучните проекти што ги најави се набавка на современа противпожарна опрема за сите пожарникари, ново навално возило и противпожарни цистерни. Дополнително, ќе се спроведе ревизија и оспособување на градската и станбената хидрантска мрежа, со цел поголема ефикасност при интервенции.
Грозданов истакна и дека ќе се усогласи бројот на вработени во противпожарните служби согласно законските прописи, за да се обезбеди нивно функционално и ефикасно работење.
– На 19-ти октомври направете го вистинскиот избор. Поддржете ја советничката листа на ВМРО-ДПМНЕ и коалицијата – број 9, порача Грозданов.
Извор: kurir.mk
