Грчката опозиција повика на официјално признавање на Палестина

November 29, 2024
1 min read

АТИНА (АА) – По повод Меѓународниот ден на солидарноста со палестинскиот народ, две големи грчки левичарски опозициски партии денес го повторија своето барање Владата официјално да ја признае Палестина како држава, јавува Анадолу.

Рена Дуру, одговорна за политиката на СИРИЗА за надворешните работи, ја нагласи итноста за правично решавање на палестинското прашање, истакнувајќи: „Како императив денес повеќе од кога било досега е потребата за праведно решавање на палестинското прашање, клучното прашање за мир со правда на Блискиот Исток, еден од најмилитаризираните региони, вклучувајќи го и нуклеарното оружје. Правично решение што значи формирање на независна и одржлива палестинска држава според границите од 1967 година, со Источен Ерусалим (Источен Кудс) како главен град на палестинската држава, и со мирно коегзистирање на двете држави.“

Во соопштението понатаму се нагласува дека „првиот чекор во оваа насока е признавањето на државата Палестина од страна на меѓународната заедница, како што веќе направија европските држави, но не и Грција.“

СИРИЗА, исто така, ја повика Владата да ја изрази својата посветеност на меѓународното право со спроведување на одлуката на Меѓународниот кривичен суд за издавање налог за апсење на израелскиот премиер Бенјамин Нетанјаху.

Слично на тоа, Димитрис Куцумпас, генералниот секретар на Грчката комунистичка партија (ККЕ), порача: „Единственото решение е крајот на израелската окупација, со создавање на единствена независна палестинска држава, со Источен Ерусалим како главен град, според границите од 1967 година. Едногласната одлука на грчкиот Парламент од 2015 година за признавање на независната палестинска држава од страна на земјата треба веднаш да се имплементира.“

Меѓународниот ден на солидарноста со палестинскиот народ е прогласен од Генералното собрание на Обединетите нации во 1977 година.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO MACEDONIA

EVN MACEDONIA

MARKETING

Претходно

Петрушевска: Посакуваме час поскоро стабилна Влада во Бугарија со која ќе може да разговараме за придвижување на европската интеграција

Следно

Аморим: Нема изговори, мора да го победиме Евертон

Latest from Blog

Редарите на „Енфилд“ спречија најсрамна сцена: Симеоне тргна во пресметка со навивачите (ВИДЕО)

Сјаен натпревар во рамките на 1. коло од Лигата на шампионите на „Енфилд“ одиграа екипите на Ливерпул и Атлетико Мадрид. Токму кога помисливме дека по петте постигнати голови и драматичната завршница на

Чудото Пафос, голеада во Прага за реми!

Фото: Славија Прага Х Олимпијакос не ја оправда фаворитската улога против дебитантот во Лигата на шампиони, Пафос, откако во Атина одиграа без голови 0-0. Колку беше немоќен грчкиот тим говори и фактот

Пронајдени шест деца заклучени во магацин во Милвоки

Шест деца, меѓу кои и едно двомесечно бебе, беа пронајдени заклучени во магацин во Милвоки, најнаселениот град во американската држава Висконсин. Полицијата реагирала откако добила пријави за деца заклучени во магацин. На

Зеленски: Ракети за западните ПВО системи ќе бидат дел од првата испорака во рамките на механизмот на НАТО за купување оружје од САД

Украинскиот претседател Володимир Зеленски денеска изјави дека ракети за западните системи за воздушна одбрана ќе бидат дел од првичните испораки на американско оружје што ќе го платат земјите од НАТО во рамките
Go toTop