Од 17:00 часот поради протестот на грчките земјоделците ГП Евзони е блокиран за влез во Република Грција за сите видови сообраќај. За излез од Грција ќе има пропуштање само на товарниот сообраќај, додека за патнички моторни возила ќе биде затворен за сообраќај, информираат попладнево од Автомото сојузот на Македонија.
АМСМ информира и дека на граничните премини од македонска страна, нема подолги задржувања за влез и излез од државата.
Сообраќајот на државните патишта се одвива непречено, по претежно суви коловози, а интензитетот на патните правци надвор од градските средини е умерен.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Извор: kurir.mk
