Градски советник: Израелските хулигани го предизвикаа насилството во Амстердам

АМСТЕРДАМ (АА) – Градски советник потврди дека израелски хулигани го поттикнале насилството во Амстердам, јавува Анадолу.

Истакнувајќи дека холандската Влада и Општина Амстердам првично го етикетирале инцидентот како „антисемитски“, Јази Велдхујзен, висок градски советник, ја истакна потребата од темелна и објективна истрага.

„Во средата вечер, хулиганите на Макаби почнаа да напаѓаат куќи со палестински знамиња и пропалестински жители на Амстердами. Тогаш почна насилството“, истакна тој.

Во четвртокот, навивачите на Макаби скандираа песна со која се потсмеваа на убиените деца во Појасот Газа и ја охрабруваа израелската армија „да ги победи Арапите“, додаде Велдхујзен.

Тој нагласи дека меѓу хулиганите имало и поранешни израелски војници. „Тоа се обучени луѓе и потенцијални воени злосторници. Тие нападнаа пропалестински цивили во Атина во март. Не требаше да бидат пуштени во Амстердам“, рече тој.

Според Велдхајзен, и покрај предвидливите ризици, недостигале доволно мерки. „Полицијата интервенираше само за да ги заштити хулиганите на Макаби кога жителите на Амстердам станаа да ги бранат своите домови“, рече тој.

Тензиите избија кога израелските навивачи се судрија со пропалестинските демонстранти пред и по натпреварот Ајакс-Макаби Тел Авив. На видеата на социјалните мрежи се гледа како поддржувачите на Макаби ги отстрануваат палестинските знамиња и напаѓаат таксисти Арапи.

На снимките надвор од стадионот се слушаат бурни скандирања на навивачите на Макаби, како: „Нема училишта во Газа бидејќи нема повеќе деца“.

Израелската Влада подоцна го оквалификува насилството како напади врз Израелци, и покрај првичните конфронтации во кои беа вклучени навивачите на Макаби.

По победата на Ајакс со резултат 5:0, холандската полиција уапси 62 лица, а тензиите продолжија.

Според здравствените власти во Газа, од почетокот на израелската војна во Газа, која започна на 7 октомври 2023, убиени се над 43.500 Палестинци, повеќето жени и деца, а над 102.300 се повредени.

Уништувањето во Газа продолжува со блокада на основните нешта како храна, чиста вода и лекови. Израел се соочува со обвиненија за геноцид пред Меѓународниот суд на правдата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.