Градоначалникот на Општина Пробиштип, Тони Тоневски, упати новогодишна честитка до сограѓаните, посакувајќи им добро здравје, лична среќа, семејна благосостојба и успех во секојдневието. Тој изрази надеж дека 2026 година ќе биде година на нови можности, заедништво и напредок за сите жители на општината.
Тоневски истакна дека локалната самоуправа ќе продолжи посветено да работи на развојот на Пробиштип како современа, хумана и просперитетна средина за живеење. Според него, со заедничка посветеност, одговорност и меѓусебна почит, ќе бидат реализирани сите зацртани цели во интерес на граѓаните и иднината на општината.
