Градоначалникот на Бутел Костовски вечерва оствари пријателска средба со жителите на Луботен
Вечерва во пријателска атмосфера заедно со директорот на скопскиот Катастар, Дејан Митровски одржавме средба со жителите на Луботен на која разговаравме за важни проекти кои се очекува да донесат значителни подобрувања во овој дел од ова општина.
Според Костовски, во фокусот на дискусијата бил мегапроектот за изградба на водоводната мрежа што ќе ги поврзе Луботен и Лубанци, долгоочекувана инвестиција која наскоро ќе стане реалност. Со овој проект ќе се обезбеди стабилно снабдување со вода за жителите од овие области, со што значително ќе се подобри квалитетот на животот.
Исто така, на оваа средба се разговараше за нови инвестиции во основното училиште и приоритети за асфалтирање на нови патишта, проекти насочени кон олеснување на пристапот и подобрување на патната инфраструктура.
Градоначалникот на општина Бутел, Дарко Костовски, пред присутните рече дека ВМРО-ДПМНЕ со својата чесна и искрена политика постигна силна поддршка на последните парламентарни избори, обезбедувајќи над 200 гласа во Луботен. Овој резултат претставува историски напредок и надминување на табу темите, што ја докажува зголемената доверба на граѓаните во насока на локалните и националните политики.
Општина Бутел продолжува да биде пример за посветеност на одржлив развој и подобрување на животот на своите граѓани.
