Во свечена атмосфера и под мотото „Ние ја поседуваме најголемата моќ“, Општина Бутел, предводена од градоначалникот Дарко Костовски, ја продолжи традицијата на поддршка на истакнатите ученици преку доделување на финансиски стипендии.
На организираниот настан беа доделени вкупно 56 парични ваучери за најдобрите ученици од општинските основни училишта, на трите наставни јазици – македонски, албански и турски.
11 ученици прогласени за првенци на генерацијата добија ваучери во вредност од 12.000 денари, додека учениците од 5. до 8. одделение добија по 6.000 денари, како знак на признание за нивниот постигнат успех.
Градоначалникот Костовски истакна дека Општина Бутел ќе продолжи максимално да вложува во образованието и да ги поддржува младите.
„Учениците се нашата гордост. Наша должност е да го вреднуваме нивниот труд и посветеност,“ напиша Костовски.
За родителите и учениците, оваа активност претставува конкретен доказ за посветеноста на општината во создавање на подобри услови за едукација и поттикнување на нови таленти во општина Бутел.
