Кандидатот за градоначалник на град Скопје, Орце Ѓорѓиевски, во гостување во емисијата „Клик Плус“ на ТВ21 истакна дека во својот мандат во Општина Кисела Вода остварил 90% реализација на програмата, што, како што рече, претставува историски успех.
„Во последните десетици години ниту една локална администрација не успеала да постигне толку висока реализација. Ова е доказ дека со посветеност и одговорност може да се направи многу за граѓаните“, нагласи Ѓорѓиевски.
Тој додаде дека искуството и резултатите од Кисела Вода се силна основа за да ја преземе одговорноста за главниот град и да понуди нова визија за развој на Скопје.
„Она што го направивме во Кисела Вода е потврда дека знаеме како, и дека можеме да донесеме промени и во Скопје“, изјави Ѓорѓиевски.
