Ѓорѓиевски и Велковски по повод Рамазан Бајрам поделија пакети со прехранбени производи

Денес, градоначалникот на Град Скопје, Орце Ѓорѓиевски по повод големиот празник Рамазан Бајрам, подели над 50 пакети со прехранбени производи на сограѓани од исламска вероисповед, во соработка со заменик министерот за социјална политика, демографија и млади, Ѓоко Велковски.

Со оваа хуманитарна акција се испрати порака за солидарност, заедништво и меѓусебна почит, како темелни вредности во општеството. Беше нагласено значењето на хуманоста и подадената рака во време кога поддршката е најпотребна.

По тој повод, беше упатена честитка до сите верници од исламска вероисповед, со желби за здравје, мир и благосостојба, како и апел за негување на соживотот и единството во Скопје.