ГАЗА (АА) – Голем број луѓе загинаа и се ранети во нападите што Израел ги изведе од воздух, копно и од море во текот на ноќта врз блокираниот Појас Газа, пренесува Анадолу.
Палестинската новинска агенција ВАФА објави дека израелската војска го бомбардирала бегалскиот камп Ал Бурајџ, во централниот дел на Појасот Газа, убивајќи 9 лица, воглавно деца и жени.
Во нападот на израелската војска врза домот на семејството Азум во градто Рафа во Појасот Газа убиени се 9 цивили, а неколкумина се ранети.
Некои станари на урнатите куќи сѐ уште се под урнатините.
Голем број луѓе загинаа или се ранети во нападите што израелските артилериски единици ги изведоа врз станбените населби во градот Деир ел Белах, во централниот дел на Појасот Газа.
Во нападите на бегалскиот камп Нусејрат и населбата Ад Дурџ исто така, имаше загинати.
Израелските сили го бомбардираа градот Хан Јунис и нападнаа голем број куќи во тоа подрачје.
– Израелската војска продолжи со бомбардирање на Појасот Газа
Израелската војска на 1-ви декември (петок) продолжи со интензивни напади низ Појасот Газа по завршувањето на хуманитарната пауза.
По неочекуваниот напад од страна на Хамас на 7. октомври, Израел возврати со немилосрдни воздушни и копнени напади на Појасот Газа со неселективно бомбардирање на цивилни населби, станбени објекти, џамии, цркви и болници.
Оттогаш се убиени повеќе од 15.207 Палестинци, од кои 70% се деца и жени, а ранети се 40.650 лица.
Официјалната бројка на загинати во Израел изнесува 1.200, при што, според зборовите на пилот на Израелските вооружени сили, можно е дел од загинатите Израелци да се жртва на примената на „Ханибаловиот протокол“ од страна на израелската војска.
„Ханибалова директива“ или „Ханибаловиот протокол“ е контроверзна процедура што ја користат израелските одбранбени сили (IDF) со цел да се спречи киднапирање на израелските војници од страна на непријателските сили. Според оваа директива, „киднапирањето мора да се запре со сите средства, дури и по цена на напад и елиминирање на киднапираните“. Овој протокол од страна на Израел е воведен во 1986 година.
