Баер Лезеркузен ја загреа атмосферата пред вечервашниот (20:45) реванш натпревар од осминафиналето на Лигата на шампионите на стадионот „Емирати“, исмејувајќи го потпирањето на Арсенал од прекините на натпреварите. Откако првиот натпревар заврши 1-1, германскиот клуб ги започна своите психолошки игри на социјалните мрежи со провокативен пост насочен кон тактичката способност на „топџиите“ од корнерите, објави Goal.com.
Тимот на Микел Артета е познат по својата ефикасност од прекините, а дигиталниот тим на Леверкузен одлучи да се потсмева на таа стратегија објавувајќи изменета фотографија од теренот на Арсенал. Сликата го прикажува корнер знамето на „Емирати“, но делот од теренот во внатрешноста на корнерот е целосно отстранет, со саркастичен натпис:
„Вака е подобро“. Објавата очигледно беше дизајнирана да ги провоцира лидерите во Премиер-лигата, кои голем дел од својата домашна доминација оваа сезона ја изградија на рекордни 21 гол постигнати од прекини на натпреварите.
Провокацијата брзо стана вирална, а навивачите на двата клуба се приклучија на дебатата. Додека навивачите на Арсенал ја бранеа тактичката разновидност на својот тим, други го пофалија потегот на германскиот клуб. Еден корисник коментираше дека Леверкузен има „најдобра фудбалска администрација досега“.
Целата ситуација е особено иронична затоа што Леверкузен го победи Арсенал со своето најсилно оружје во првиот натпревар, „топџиите“ примија гол од корнер, прв оваа сезона во Лигата на шампионите. Ова не е прв пат Арсенал да се соочи со ваков вид задевање.
Сè е подготвено за драматична вечер на „Емирати“, каде што Арсенал ќе бара место во четвртфиналето трета година по ред. „Топџиите“ се непоразени дома против Леверкузен во европските натпреварувања, но тимот на Каспер Хјулманд се покажа тактички дисциплиниран и опасен во контранападот во првиот натпревар.
Леверкузен се бори за своето прво четвртфинале во Лигата на шампионите од 2002 година, кога беа финалисти. Арсенал, во меѓувреме, е заинтересиран да остане во конкуренција за потенцијални четири трофеи оваа сезона.
Извор: vecer.mk
