Етаблираните партии, оние кои сега се власт плус Социјалдемократите кои ја загубија власта во Германија, досега не беа во можност да го спречат порастот на десничарската AfD (Алтернатива за Германија) во анкетите последните месеци.
Ова е потврдено и со најновото истражување на ARD-Deutschlandtrend спроведено од агенцијата за анкети infratest-dimap. Илјада и триста подобни гласачи беа прашани за која партија би гласале доколку следната недела се одржат федерални избори, а 28% рекоа дека ќе гласаат за AfD. Ова претставува зголемување од еден процентен поен и нов рекорден максимум за AfD во месечната анкета.
Спротивно на тоа, партијата на канцеларот Фридрих Мерц, централнодесничарската Христијанско-демократска унија (CDU) и нејзината сестринска партија, баварската Христијанско-социјална унија (CSU), забележаа мал пад во споредба со последната анкета на почетокот на јули, додека сите други партии ги задржаа своите претходни нивоа.
Таква е состојбата на ниво на цела држава. Во септември Германија ќе има локални, регионални избори, каде шро доминацијата на АфД е уште поголема.
Во септември, покраинските избори ќе се одржат во две важни источногермански покраини: Саксонија-Анхалт и Мекленбург-Западна Померанија. Во обете покраини, AfD води во анкетите.
Во Саксонија-Анхалт, тие имаат 41% поддршка и би можеле да владеат сами, ако централно-левичарската Социјалдемократска партија (SPD) не успее да го надмине прагот од 5% за претставување во парламентот.
АфД има водство со поддршка од 36% во Мекленбург-Западна Померанија, каде што гласаат на 20 септември.
Додека во западна Германија голем дел од поддршката за АфД произлегува од противењето на имиграцијата и незадоволството од Европската унија, експертите велат дека во источна Германија ова прашање е помалку важно.
За гласачите во Источна Германија најважно е што главните политички партии ЦДУ и СДУ со децении ги игнорираат во своите планови за арзвој и немаат интерес за економските и социјални проблеми во Источна Германија, особено не за младите.
Позначајно е што ни после 36 години од обединувањето на Западна со Источна Гермманија источниот дел не е третиран од државата и развојните планови равноправно со западниот поради се соочуваат со иселувањена на младите и на стручниот кадар, недостаток на квалификувана работна сила и поголема невработеност како и пониски приходи отколку во западна Германија.
Во септемеври владата на Мерц и партиите во владината коалција ќе се соочат, за прв пат, со АфД откко таа партија има поголем рејтинг од било која друга во Германија.
Извор: vecer.mk
