БЕРЛИН (АА) – Четири лица се повредени, а едно лице се води како исчезнато откако сомнителна експлозија на гас разнесе куќа утринава во југозападна Германија, пренесува Анадолу.
Силната експлозија во западниот кварт на Штутгарт целосно уништи една куќа и предизвика значителна штета на други куќи и автомобили паркирани на улицата.
Четири лица, меѓу кои две деца, се пренесени во болница, но немаат повреди опасни по живот, изјави портпаролот на полицијата за новинарите на местото на настанот.
Една 85-годишна жена сѐ уште се води како исчезната додека пожарникарите продолжуваат со потрагата во урнатините.
Извор: www.aa.com.tr
