Иако не успеа да стигне до ниту еден трофеј со Реал Мадрид во својата прва сезона, Килијан Мбапе сепак ќе има причина за задоволство, францускиот ас ја освои престижната „Златна копачка“ за најдобар стрелец во европските првенства.
Со 31 погодок во дресот на „кралевите“, Мбапе собра вкупно 62 бодови, доволно за да го престигне Виктор Ѓекереш од Спортинг Лисабон, кој и покрај тоа што реализираше дури 39 гола, заврши втор со 58,5 бодови. Клучот беше во бодовниот коефициент – головите во Ла Лига вредат по 2 бода, додека во португалската лига по 1,5.
Ова е прва „Златна копачка“ во кариерата на Мбапе, а воедно и прва за Реал Мадрид по цели девет години – откако Кристијано Роналдо ја доби оваа награда во 2015 година.
Извор: kurir.mk
