Газа: Во израелските напади врз бегалскиот камп Бурејџ убиени се повеќе Палестинци

ГАЗА (АА) – Израелската армија продолжува со немилосрдните воздушни напади врз областите во Појасот Газа, вклучително и бегалскиот камп Бурејџ во централниот дел на блокираната енклава, јавува Анадолу.

Во израелскиот напад денес беа убиени неколку Палестинци, меѓу кои и деца. Меѓу убиените е и 11-годишниот Абдулрахаман Абу Џаламбо.

Повредените и убиените се донесени во болницата Ал Акса во градот Деир ал Балах.

Бегалскиот камп Бурејџ е густо населен и е дом на голем број раселени палестински деца.

Израел ја продолжува својата брутална офанзива врз Појасот Газа и покрај Резолуцијата на Советот за безбедност на Обединетите нации со која се бара итен прекин на огнот.

Во Појасот Газа од 7 октомври во израелските напади се убиени повеќе од 37.200 Палестинци.

Израел беше обвинет за геноцид пред Меѓународниот суд на правдата (МСП), кој во својата последна одлука му нареди на Тел Авив веднаш да ја прекине операцијата во Рафа, каде што повеќе од еден милион Палестинци побараа засолниште од војната.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.