ИСТАНБУЛ (АА) – Израелската војска во последните 24 часа уби 55 Палестинци во нападите во градот Хан Јунис на југот на Појасот Газа, пренесува Анадолу.
Како што јави државната палестинска новинска агенција ВАФА, израелската војска продолжува со нападите во различни делови на Појасот Газа.
Во нападите на израелските сили во градот Хан Јунис на југот на Газа во последните 24 часа загинаа 55 Палестинци.
Многу Палестинци се убиени и повредени поради интензивното бомбардирање на градот Рафа на југот на Газа.
Во нападите во централните делови на Појасот Газа и подрачјето на Џабалија на север, исто така, има загинати и повредени Палестинци.
Тимовите за цивилна одбрана на северот на Појасот Газа објавија дека поради интензивното израелско бомбардирање не можат да стигнат до подрачјата каде што се мртвите и повредените.
Повеќе од 20.000 Палестинци се убиени во израелските напади од 7 октомври, соопшти вчера Министерството за здравство во Газа.
Повеќе од 8.000 од убиените во нападите се деца, а 6.200 жени.
Околу 52.600 Палестинци се повредени во тековните израелски напади.
Во соопштението се наведува дека под урнатините има околу 6.700 луѓе.
