Газа: Палестинска двојка се венча во бегалски камп среде израелските напади

ДЕИР АЛ-БАЛАХ (АА) – Палестинска двојка се венчаа во бегалски камп среде израелските напади во опколениот Појас Газа, јавува Анадолу.

Откако избегале од нападите на израелската армија, Махмуд Хуза и Шајма Кузаат се засолниле на стадионот Ал-Дура во Деир ал-Балах во Газа.

Нивната свадбена церемонија се одржа на стадионот и на неа присуствуваа многу Палестинци кои живеат во кампот, како и роднини на невестата и младоженецот.

Израел го нападна Појасот Газа по нападот на Хамас на 7 октомври, при што загинаа над 28.800 Палестинци и предизвикувајќи широко распространето уништување и недостиг.

Според ОН, израелската војна во Газа предизвика внатрешно раселување на 85 отсто од населението на палестинската територија поради сериозен недостиг на храна, чиста вода и лекови. Исто така, 60 отсто од инфраструктурата на енклавата е оштетена или уништена.

Израел е обвинет за геноцид пред Меѓународниот суд на правдата, кој со привремената одлука во јануари му нареди на Тел Авив да ги запре геноцидните акти и да преземе мерки за гарантирање на обезбедување хуманитарна помош за цивилите во Газа.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.