На шпанската фудбалерка која го постигна единствениот гол во финалето на Светското првенство, Олга Кармона, и било кажано дека нејзиниот татко починал веднаш по натпреварот против Англија.
Голот на левиот бек во првото полувреме од натпреварот му донесе победа на тимот од 1-0 над Англичанките. Но, во објава на социјалните мрежи, по натпреварот, Кралската шпанска фудбалска федерација ја објави смртта на нејзиниот татко.
„Фудбалерката ја дозна тажната вест по финалето на Светското првенство. Ги испраќаме нашите најискрени прегратки до Олга и нејзиното семејство во момент на длабока болка“, се додава. „Те сакаме, Олга, ти си засекогаш во историјата на шпанскиот фудбал“.
⚫️ PÉSAME | La @RFEF lamenta profundamente comunicar el fallecimiento del padre de Olga Carmona. La futbolista ha conocido la triste noticia una vez concluida la final de la Copa del Mundo.
Mandamos nuestro abrazo más sincero a Olga y a su familia en un momento de profundo… pic.twitter.com/BSe2XmUrVF
— RFEF (@rfef) August 20, 2023
Шпанија стана само втората земја, по Германија, чии машки и женски репрезентации станале светски шампиони во фудбал.
23-годишната Кармона претходно го прослави голот откривајќи порака на нејзината маица на која пишуваше „Мерчи“, за која рече дека е почит на пријател чија мајка починала.
Фудбалерката долго време се смета за една од најголемите таленти на шпанскиот фудбал. Имајќи импресивни настапи против Данска и Англија на минатогодишното женско Европско првенство, таа забележа 100 настапи за женскиот тим на Реал Мадрид.
ИЗВОР: kurir.mk
