Франција од вечерва воведува полициски час во регионот каде што избувнаа немири

Околу 40 000 полицајци ќе се распоредат ширум Франција во очекување на нови немири

Во францускиот град Кламар, јужно од Париз во регионот Ил де Франс, од вечерва до 3 јули ќе биде воведен полициски час од 21 до 6 часот, соопштија локалните власти.

Полицискиот час има за цел да го воспостави редот по немирите до кои дојде откако претходно оваа недела полицијата уби тинејџер кој не го запре својот автомобил во париското предградие Нантер, објавија властите на Твитер.

Францускиот министер за внатрешни работи Жерал Дарманен претходно најави дека и ширум Франција, вклучително во Париз, ќе бидат распоредени 40 000 полицајци.

Исто така, и трамваите и автобусите во некои области ќе прекинат да сообраќаат.