АНКАРА (АА) – Актите на насилство врз палестинските цивили на окупираниот Западен Брег се неприфатливи, соопшти француското Министерство за надворешни работи, пренесува Анадолу.
Во соопштението, Министерството, исто така, го осуди нападот што резултираше со смрт на двајца Израелци во неделата.
„Франција со најголема загриженост го следи тековното насилство на Западниот Брег, особено во Хувара“, соопшти Министерството.
Франција ги повика сите страни да избегнуваат поттикнување насилство и да придонесат за намалување на тензиите.
Во соопштението се вели дека „како дел од својата одговорност како окупаторска сила“, израелската Влада морала да ги заштити палестинските цивили и да ги гони сторителите на нападот доцна во неделата, во кој израелските доселеници запалија неколку куќи и возила во северниот град Хувара.
Извор: www.aa.com.tr
