Франческа Албанезе: „Не нарекувајте го војна, ова во Газа е геноцид“

ЖЕНЕВА (АА) – Специјалната известувачка на Обединетите нации за Палестина денес изјави дека она што се случува во Појасот Газа не е „војна“, туку „геноцид“, јавува Анадолу.

„Постојат многу начини на кои Израел ги уништува Палестинците во Газа. Создавањето неодржливи и нехумани услови за живот е најкомплексното и најсурово“, рече Франческа Албанезе на социјалната мрежа X.

„Не нарекувајте го ‘војна’. Тоа е геноцид. Мотивите се неважни“, рече Албанезе. „Намерата (т.е. определбата) за уништување е евидентна и недвосмислена.“

Таа додаде: „Недвосмислено е соучесништвото на другите држави“.

Нејзините изјави следуваа откако Филип Лазарини, шефот на Агенцијата на ОН за палестински бегалци, вчера изјави дека дневната хуманитарна помош е „најниска по долго време“, бидејќи во октомври во просек дневно влегувале само 30 камиони.

Лазарини нагласи дека ова не може да ги задоволи потребите на „гладните и болни“ 2 милиони луѓе и претставува само 6 отсто од резервите дозволени во Газа пред октомври 2023 година.

Израел продолжи со разорната офанзива на Газа од нападите на Хамас на 7 октомври 2023 година, при што загинаа речиси 43.400 луѓе и енклавата стана речиси непогодна за живеење.

Израел се соочува со случај за геноцид пред Меѓународниот суд на правдата поради неговите дејствија во блокираната енклава.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.