„Овој спокоен празник инспирира благородни дела и стремежи и служи за зајакнување на вечните духовни вредности како милоста, емпатијата, добрината и правдата“, порача рускиот претседател во божиќната честитка
Рускиот претседател Владимир Путин сам присуствуваше на божиќната богослужба во православната црква Благовештение во Кремљ, наместо да им се придружи на другите верници во јавната прослава.
Судејќи според фотографиите објавени од Кремљ, рускиот претседател стоел сам додека свештениците ја одржувале богослужбата.
Покрај фотографиите од богослужбата, на веб-страницата на Кремљ е објавена и честитката која Путин ја испратил до православните верници по повод Христовото раѓање кое Руската православна црква го слави на 7 јануари.
„Овој спокоен празник инспирира благородни дела и стремежи и служи за зајакнување на вечните духовни вредности како милоста, емпатијата, добрината и правдата“,
стои во божиќната порака на Путин.
Во пораката тој јасно става до знаење дека ја гледа Руската православна црква како важна стабилизирачка сила за, како што вели, обединување на општеството, зачувување на историската меморија, едукација на младите и зајакнување на семејството како институција.
„Црковните организации имаат приоритет на негување меѓуетнички и меѓуверски мир и хармонија во нашата земја, грижа за сиромашните и поддршка на нашите воини кои учествуваат во специјалната воена операција. Таквата масовна, сложена и навистина несебична работа заслужува искрена почит“,
се додава во пораката.
Во петокот, Путин нареди 36-часовен прекин на огнот за време на Бадник и Божиќ, но Киев го отфрли бидејќи смета дека Русија ќе го искористи како фронт за да го запре напредувањето на Украина во источниот регион Донбас и да испорача повеќе луѓе и опрема.
Извор: 360stepeni.mk
