(ФОТО+ВИДЕО) Новинарски марш: Да престанат потценувањето и омаловажувањето

February 17, 2023
2 mins read

„Новинарството на удар, ние сме обединети”, „Нема да молчиме”, „Сиромаштија = самоцензура”, „И претходно пробаа да нè замолчат, не можеа. Нема ни сега“, „Стоп за агресивниот државен пи-ар“, се дел од пораките што тие ги упатија и преку транспарентите што ги носеа на протестот

Стоп за потценувачкиот однос на јавните функционери, државниот пи-ар да не ја зема работата на новинарите, законите што ги засегаат медиумските работници да се спроведуваат, достоинствени услови за работа, колективен договор, се дел од пораките и барањата што новинарите и останатите медиумски работници ги побараа на денешниот протестен марш.

Протестот започна пред Владата, а оттаму со транспарент „Марш за одбрана на новинарското достоинство“, тие се упатија кон Собранието.

Пораки до институциите испратија и оттаму.

Новинарката Душица Мрѓа потсети за правдата што не ја добија новинарите кои на 27 април 2017 година известуваа при упадот во Собранието, а судовите им ги одбија тужбите со образложенија дека не носеле шлемови или панцир, не биле новинари затоа што работеле во портали итн.

„Држава без правда не може да биде држава, веќе не е ни селективна правдата, особено за новинарите. Нема правда, има купен мир“,

рече Мрѓа.

Новинарите на протестот се осврнаа и на нападите врз медиумските работници, како и се послабиот интерес кај младите да се занимаваат со оваа професија.

„Никој не треба и не смее, лично или преку посредници, да се пресметува и да дискредитира новинари, само затоа што не му се допаѓа она што го објавуваме, а го објавуваме бидејќи за тоа постои јавен интерес. Сите истражувања укажуваат на тоа дека жените во оваа професија почесто се изложени на напади, кои за наша среќа засега во најголем дел се само вербални. Важно е надлежните органи брзо и ефикасно да реагираат за секоја поединечна пријава, оти вербалното насилство многу лесно може да стане физичко, или да ги одврати новинарките од намерата да истражуваат за одредени теми. Друг за нас важен аспект е тоа што новинарството станува се понеатрактивна професија за младите. И оние малкумина млади луѓе што се одлучуваат и високото образование да го завршат во оваа област, уште при првото вработување се престројуваат во друга професија, што е поразително за нас. Затоа е важно сите претходно истакнати барања на колегите денеска да се исполнат, за да не се доведеме во ситуација секој нареден собир главно прашање да биде недостигот на млад и обучен кадар, а долгорочно да остане отворено прашањето кој ќе остане да се занимава со оваа професија во државава”,

рече новинарката Славица Филиповска-Иванова, која е и член на Извршниот одбор на ССНМ.

Новинарката Сашка Цветковска зборуваше и за тужбите кон новинарите од функционери и бизнисмени, како и за тоа што често новинарите се цел на квазиновинарски портали.

Новинарите од внатрешноста, пак, побараа достоинствени плати, формирање фонд за поддршка на регионални медиуми, националните телевизии да вработат дописници, сниматели и монтажери, а не да ги ангажираат со договори на дело како хонорарни.

„Новинарството на удар, ние сме обединети”, „Нема да молчиме”, „Сиромаштија = самоцензура”, „И претходно пробаа да нè замолчат, не можеа. Нема ни сега“, „Стоп за агресивниот државен пиар“, се дел од пораките кои тие ги упатија и преку транспарентите што ги носеа на протестот.

Протестниот марш го организираа Здружението на новинари на Македонија (ЗНМ) и Самостојниот синдикат на новинари и медиумски работници (ССНМ).

ИЗВОР: 360stepeni.mk

Leave a Reply

Your email address will not be published.

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Хари Кацановски: Со романот „Анатрос“ создадов посебен свет во кој ги спојувам науката и уметноста

Следно

Азербејџан подигна шаторски град по земјотресот што ја погоди јужна Туркије

Latest from Blog

Мантил кој треба да го имате оваа есен: Бојата е брутално добра, а најдобро од сè, ве прави да изгледате послаби

Оваа есен е совршена можност да го освежите вашиот гардеробер и да внесете доза на оригиналност во вашиот изглед. Freepik Новите модни трендови го трасираат патот на темнозелен мантил – нијанса која

Удар за Курти: Ја изгуби Јужна Митровица и во Приштина – нема мнозинство

Албин Курти ги загуби локалните избори во Косово и Метохијa Јужна Митровица и Приштина. Кандидатот на Албин Курти, актуелниот министер Фатон Пеци, загуби во изборната трка бидејќи Аријан Тахири од Демократската партија

Романците во „фото-финиш“ ја победија Австрија, Данска ја „преслуша“ Грција

Данска, Хрватска и Полска без поголеми проблеми дојдоа до планираните победи во вечерашните квалификациски дуели за пласман на светското првенство. За разлика од нив, селекцијата на Романија со гол во последната минута

Николоски: Пецаков ќе има историски најголема победа, реализираше бројни проекти и покрај тоа што три години имаше опструкции

,,Во Охрид ќе имаме историски најголема победа на 19. октомври, Кирил Пецаков реализираше бројни проекти и е првиот градоначалник на општината што има далеку поголема поддршка за разлика од првиот пат кога

ЕДЕН ОД ПРИСИЛНО МОБИЛИЗИРАНИТЕ УКРАИНЦИ за својот случај: Се криев осум месеци во подрум, но…

Според видео објавено од Телеграм каналот „Северен Ветар“, 54-годишниот Виктор Мовчан е по потекло од Виницкиот регион и бил присилно мобилизиран во 2023 година. После тоа, неколку пати бил ранет и одел
Go toTop