Групата „Кој е следен?“ оформена по смртта на Фросина Кулакова од страна на Васил Јованов, и која организираше протести во изминатите неколку денови, денеска ја затвори раскрсницата пред Зоолошка градина, како знак на обединување и да испратат недвосмислена порака – безбедноста во нашите градови не е прашање на избор, туку неопходност.
„Нашите градови се небезбедни! Тоа мора да се промени!
На Уличниот форум „ЗОШТО НАШИТЕ ГРАДОВИ СЕ НЕБЕЗБЕДНИ?“, ги собираме сите идеи и предлози за посигурни улици – од железнички градски превоз во Скопје, до урбанистички промени за подобрување на сообраќајната култура.
Со затворање на раскрсницата пред Зоолошката градина, се обединуваме со пошироката и стручна јавност и испраќаме недвосмислена порака – безбедноста во нашите градови не е прашање на избор, туку неопходност.
Постојат конкретни и изводливи решенија за создавање поуреден, безбеден и функционален урбан простор. Време е сите заедно, како општество, да застанеме зад мерки што ќе гарантираат долгорочна сигурност во нашите домови и на улиците каде што живееме, работиме и се движиме секојдневно.“, стои во соопштението.
ИЗВОР: ТВ 21
