Во Хрватска за два региони издаден е портокалов метеоаларм, а во Загреб доцна вечерва почнале обилен дожд и грмотевици
Ново невреме денеска го погоди италијанскиот регион Венето, а потоа ја зафати и Словенија, а во моментов на удар е и Хрватска. На социјалните мрежи се појавија снимки на кои се гледа како е снимен торнадо на италијанска и словенечка територија.
Според италијанските медиуми, помало невреме преминало во суперклеточна бура, а потоа се направил мезоциклон (вртлог на воздух) кој се трансформирал во торнадо.
По неколку часа, бурата ја зафатила и Словенија каде во еден од државата врнел дожд проследен со силен ветар, а во Илирска Бистрица било забележано и торнадо.
Доцна попладнево Државниот хидрометеоролошки завод на Хрватска издаде предупредување и нивото на предупредување го крена во портокалова фаза за загребскиот и карловачкиот регион.
Тамошните медиуми јавуваат дека после 19 часот почнал да дува силен ветар во Загреб, а околу 21:30 започнале и обилен дожд и грмотевици.
Извор: 360stepeni.mk
