Според прелиминарните информации што ги пренесува Си-ен-ен, во инцидентот има најмалку петмина убиени и шест ранети кои се пренесени во болница. За време на инцидентот имало престрелка меѓу напаѓачот и полицијата. Според изворите на Си-ен-ен, напаѓачот бил застрелан и убиен од полицијата, но засега не е познато дали тој е меѓу шесте жртви за кои извести телевизијата
Полицијата во градот Луисвил во американската сојузна држава Кентаки потврди дека има повеќе жртви во пукање што се случило во градот, пренесува Би-би-си.
Во објава на Твитер од полициската управа на Луисвил соопштија дека во тек е акција против „активен агресор“.
BREAKING: Police say there is “an active aggressor” in downtown Louisville
Police say there are multiple casualties. https://t.co/10F0cW8Xmt
— WLWT (@WLWT) April 10, 2023
Според првичните информации на дел од граѓаните, било побарано да се држат подалеку и да ја избегнуваат областа Ист Мејн додека трае полициската операција.
Видеоснимки од областа покажуваат тешко вооружени полициски екипи како опколуваат комерцијален објект во областа каде што се случило пукањето.
BREAKING: Police are reporting “multiple casualties” in a shooting at a bank building in Louisville, Kentucky
Latest: https://t.co/PAiZ4D1jU3
📺 Sky 501, Virgin 602, Freeview 233 and YouTube pic.twitter.com/4W88ri1GFJ
— Sky News (@SkyNews) April 10, 2023
Инцидентот, како што пренесува британскиот национален сервис, се случил во централното градско подрачје на Луисвил, во близина на бејзбол-стадионот Луисвил Слагер Филд и неколку блокови од Меѓународниот конгресен центар во Кентаки и центарот „Мухамед Али“.
Новинска снимка од местото на настанот покажува силно полициско присуство, како и оштетено стакло и медицинска опрема на една локација.
Според прелиминарните информации што ги пренесува Си-ен-ен повикувајќи се на свои извори од местото на настанот, во инцидентот има најмалку петмина убиени и шест ранети кои се пренесени во болница.
За време на инцидентот имало престрелка меѓу напаѓачот и полицијата.
Според изворите на Си-ен-ен, напаѓачот бил застрелан и убиен од полицијата, но засега не е познато дали тој е меѓу шесте жртви за кои извести телевизијата.
Состојбата на настраданите не е позната, а според засега достапните информации сите се пренесени во универзитетската болница во градот.
Гувернерот на Кентаки, Енди Бешеар, соопшти дека се упатил на местото на настанот во центарот на Луисвил.
„ЛМПД потврди дека има пукање во центарот на Луисвил со повеќе жртви. Сега одам таму. Ве молам, молете се сите погодени семејства и за градот Луисвил“,
напиша Бешеар на Твитер.
LMPD has confirmed a shooting situation in downtown Louisville with multiple casualties. I am headed there now. Please pray for all of the families impacted and for the city of Louisville. ^AB
— Governor Andy Beshear (@GovAndyBeshear) April 10, 2023
Во интервенцијата полицијата на Луисвил била помогната и од специјални агенти на Федералното истражно биро (ФБИ), јавува Си-ен-ен.
FBI Louisville special agents have responded to the scene of this morning’s shooting in downtown Louisville and are assisting our law enforcement partners. https://t.co/4QfXtKplf0
— FBI Louisville (@FBILouisville) April 10, 2023
Извор: 360stepeni.mk
