Пред десетина дена сличен случај имаше и во Шкотска каде што пцовисаа 55 кита, кои исто така се насукаа во близина на плажа
Повеќе од 50 кита пцовисаа неколку часа откако се насукаа на брег во Западна Австралија.
Плажата се наоѓа на околу 400 километри југоисточно од Перт, а вкупниот број на китови кои се насукале бил околу 100.
„За жал, 51 кит пцовисаа во текот на ноќта по масовно насукување“,
соопшти Службата за паркови и диви животни на Западна Австралија.
Оттаму соопштија дека заедно со волонтери работат да ги спасат останатите китови кои преживеале. Од Службата побараа и од граѓаните да не доаѓаат на плажата бидејќи имаат доволен број волонтери.
Апелот го испраќаат предупредувајќи на низа опасности, како што се присуство на големи и вознемирени китови, потенцијално болни китови, како и присуство на ајкули.
Пред десетина дена сличен случај имаше и во Шкотска каде што пцовисаа 55 кита, кои исто така се насукаа во близина на плажа.
Извор: 360stepeni.mk
