На жителите на островот Хокаидо им беше порачано да се евакуираа, но за околу половина час предупредувањето беше повлечено
Северна Кореја повторно истрелала проектил утрово, потврдија од крајбрежната стража на Јапонија и од Генералштабот на Јужна Кореја.
Лансирањето на ракетата предизвика тревога кај Јапонците на северот на земјата каде беше издадена наредба за евакуација која во рок од 30 минути беше повлечена.
Сирените се огласија на Хокаидо кој е вториот најголем остров во Јапонија, а на тамошните жители им беше кажано „веднаш да се евакуираат“. Беше прекинат и железничкиот сообраќај. Потоа, јапонските власти соопштија дека проектилот не паднал во близина на островот и го повлекоа предупредувањето.
Тензиите во овој регион растат изминатиот период бидејќи од почетокот на 2023 година Северна Кореја истрела околу 30 проектили. Се верува дека тие повеќето досега се среден или поголем дострел, но засега за денешното лансирање сè уште нема повеќе официјални информации какво оружје било тестирано.
Јапонскиот премиер Фумио Кишида рече дека поради денешното лансирање ќе се одржи состанок на Советот за национална безбедност.
Во меѓувреме, јапонската крајбрежна стража соопшти дека денешниот проектил паднал во водите на истото на Северна Кореја.
Извор: 360stepeni.mk
